"Техникалық және кәсіптік білім беру ұйымдарында білім алушыларға жатақхана беру" мемлекетті қызыметі

Мемлекеттік қызмет «Техникалық және кәсіптік, орта білімнен кейінгі білім беру ұйымдарында білім алушыларға жатақхана беру»

Жалпы ақпарат

Мемлекеттік қызметтің атауы: «Техникалық және кәсіптік, орта білімнен кейінгі білім беру ұйымдарында білім алушыларға жатақхана беру».

Қызмет көрсетуші: техникалық және кәсіптік, орта білімнен кейінгі білім беру ұйымдары.

Мемлекеттік қызметті алушылар: жеке тұлғалар.

Мемлекеттік қызметтің құны: тегін.

Мемлекеттік қызметті алу тәсілдері

Мемлекеттік қызметті көрсету үшін өтініштерді қабылдау және нәтижесін беру:

1. техникалық және кәсіптік, орта білімнен кейінгі білім беру ұйымы арқылы;

2. «электрондық үкімет» веб-порталы – eGov.kz арқылы;

3. «электрондық үкімет» веб-порталында тіркелген ұялы байланыс абоненттік құрылғысы арқылы проактивті нысанда жүзеге асырылады.

Жатақхана беру арнайы құрылған комиссияның конкурстық негізде орындарды бөлу нәтижелері бойынша жүзеге асырылады.

Жатақханадағы бос орындардың болуы туралы мәліметтер ТжКБ ұйымының ресми интернет-ресурсында орналастырылады.

Мемлекеттік қызмет көрсету мерзімі

3 (үш) жұмыс күні.

Мемлекеттік қызмет көрсету нысаны

Электрондық (ішінара автоматтандырылған) / қағаз түрінде / проактивті.

Қажетті құжаттар

ТжКБ ұйымы арқылы мемлекеттік қызметті алу үшін:

1. техникалық және кәсіптік, орта білімнен кейінгі білім беру ұйымының басшысының атына жатақханадан орын беру туралы өтініш;

2. жеке басын сәйкестендіру үшін жеке басын куәландыратын құжат немесе цифрлық құжаттар сервисінен алынған электрондық құжат;

3. тиісті мәртебесі бар тұлғалар үшін қандас мәртебесін растайтын құжат ұсынылады.

eGov.kz порталы арқылы өтініш берген кезде қажетті мәліметтер заңнамада белгіленген тәртіппен мемлекеттік ақпараттық жүйелерден алынуы мүмкін.

Мемлекеттік қызмет көрсету нәтижесі

Мемлекеттік қызмет көрсету нәтижесі:

техникалық және кәсіптік, орта білімнен кейінгі білім беру ұйымында білім алушыға жатақхана беру туралы жолдама

немесе

мемлекеттік қызмет көрсетуден бас тарту туралы уәжді жауап.

Портал арқылы өтініш берген жағдайда нәтиже қызмет алушының «жеке кабинетіне» ТжКБ ұйымының уәкілетті тұлғасының электрондық цифрлық қолтаңбасымен қол қойылған электрондық құжат нысанында жіберіледі.

Мемлекеттік қызмет проактивті нысанда көрсетілген жағдайда, нәтиже қызмет алушының мобильді нөміріне SMS-хабарлама арқылы жіберіледі.

Орындарды бөлу тәртібі

Жатақханадағы орындарды беру арнайы құрылған комиссияның конкурстық негізде орындарды бөлу нәтижелері бойынша жүзеге асырылады.

Орындарды бөлу техникалық және кәсіптік, орта білімнен кейінгі білім беру ұйымдарының жатақханаларындағы орындарды бөлу қағидаларына сәйкес жүргізіледі.

Жатақханадағы бос орындардың болуы туралы ақпарат колледждің ресми интернет-ресурсында орналастырылады.

Күтудің және қызмет көрсетудің ең ұзақ уақыты

Құжаттарды тапсыру үшін жол берілетін ең ұзақ күту уақыты:

• қызмет көрсетушіде – 20 минут;

• Мемлекеттік корпорация арқылы – 15 минут.

Қызмет көрсетудің жол берілетін ең ұзақ уақыты:

• қызмет көрсетушіде – 30 минут;

• Мемлекеттік корпорация арқылы – 15 минут.

Жұмыс кестесі

ТжКБ ұйымы: дүйсенбіден жұмаға дейін белгіленген жұмыс кестесіне сәйкес, демалыс және мереке күндерін қоспағанда.

eGov.kz порталы: жөндеу жұмыстарын жүргізуге байланысты техникалық үзілістерді қоспағанда, тәулік бойы.

Портал арқылы жұмыс уақыты аяқталғаннан кейін, демалыс және мереке күндері өтініш берген жағдайда, өтінішті қабылдау келесі жұмыс күні жүзеге асырылады.

Мемлекеттік қызмет көрсетуден бас тарту негіздері

Мемлекеттік қызмет көрсетуден бас тартуға мынадай негіздер жатады:

1. қызмет алушы мемлекеттік қызметті алу үшін ұсынған құжаттардың және (немесе) оларда қамтылған деректердің (мәліметтердің) дәйексіздігі анықталған жағдайда;

2. қызмет алушының және (немесе) ұсынылған материалдардың, деректер мен мәліметтердің Қағидаларда белгіленген талаптарға сәйкес келмеуі;

3. қызмет алушыны мемлекеттік қызметті алуға байланысты арнайы құқықтан айырған, заңды күшіне енген сот шешімінің болуы;

4. Қазақстан Республикасының заңнамасында белгіленген жағдайларда мемлекеттік қызмет көрсету үшін қажетті қолжетімділігі шектеулі дербес деректерге қол жеткізуге қызмет алушының келісімінің болмауы.

Шағымдану тәртібі

Қызмет алушы Қазақстан Республикасының заңнамасында белгіленген тәртіппен қызмет көрсетушінің шешіміне, әрекетіне немесе әрекетсіздігіне шағымдануға құқылы.

Шағым Қазақстан Республикасының Әкімшілік рәсімдік-процестік кодексіне сәйкес беріледі.

Байланыс ақпараты

Мемлекеттік қызметті алу мәселелері бойынша техникалық және кәсіптік, орта білімнен кейінгі білім беру ұйымына жүгінуге болады.

Сондай-ақ мемлекеттік қызмет көрсету тәртібі мен мәртебесі туралы ақпаратты eGov.kz порталындағы «жеке кабинет» арқылы және Бірыңғай байланыс орталығынан алуға болады:

1414 – 8 800 080 7777

Нормативтік құқықтық база

Ресми сілтемелер

Мемлекеттік қызметті алу / eGov.kz порталындағы ақпаратпен танысу:

eGov.kz — Техникалық және кәсіптік, орта білімнен кейінгі білім беру ұйымдарына құжаттарды қабылдау

Нормативтік құқықтық база — «Әділет» ақпараттық-құқықтық жүйесі:

Техникалық және кәсіптік, орта білімнен кейінгі білім беру ұйымдарының жатақханаларындағы орындарды бөлу қағидалары